كلام من القلب
تعال يابشا يامذكر نتكلم مع بعض ونفكر
ونحلل أمورنا وندبر. بشويش.. بشويش
. نتكلم.. كلام مهم ومؤلم..على الساحه
لازم يظهر ...ملايين بالزوفه بتشكى
عن أوجاعها بتحكى..وأنا لازم عنها أعبر.
ليه سيادتك فرحان بخلفه الصبيان..ولما تجيب البنت تتكدر ..وعن عطايا ربك تتنكر
مع إنه أهداك هديه مفتاح للجنه
.. وفرشلك طريقك حنيه
وكفاك شر المستخبى لما الصبى يكبر
بيتغندر ...فى نفسه على طول بيفكر
ولأفضالك وحبك وودك يتنكر ولسانه
على أمه وأخته بيطول .. ويمارس رجولته
عليهم .ويمد أيده الله وأكبر
جاحد لحضن أمه اللى رعاه وضمه
وإتألم لهمه ...وسهرت ليلها تصلى
وتدعيله يفرج همه .. وأخته اللى بتشيل
عنه وتصبره وتشاركه فرحه وجرحه
أول ما يحب ويتجوز ..على طول يتحول
حضرته قرطاس متفول.. غدر وكره وبغض
وكلام فاضى من الست الغندوره اللى
فاكره نفسها شطوره.. قطعت جوزها من
أرحامه خلعته من جذره وكيانه.. وزرعت
شجرتها مكانه وأمهما وأختها وأخوها
فى الدار يتحنجل .. شارب اكل نايم
والبيه مبسوط وفاشخ الضحكه على خدوده
إن الهانم عملته خاتم فى صباعها تلبسه
يبرق ليها ولأهاليها.... وماله يدور
فسواقيها.جاتك خيبه ..ياأهبل
ياعبيط... بقيت بدله فاضيه متلمعه
بعت الدم وإشتريت الهم ...بعت الأخره
.. وإشتريت الدنيا الفانيه...إلحق صحح
مصارك..بعد الأم والأب والأخوات مافيش
أحباب فيه مصالح وكله يأكل على قفاك
وقت الضيق ماتلقى حبيب غير ب المال
حواليك ...جرب تقفل الحنفيه
ولا تأكل ولاتشرب أهل الوليه الدنيا هاتفضى
من حواليك ..ماالتكيه قفلت بيبانها ... يأبنى خدها منى نصيحه...اللى يبيع أمه وأبوه وأخته وأخوه وعمه وعمته فضيحه
زى عواد اللى باع أرضه ..إنت شبه بايع
عرضك ...إختشى بقى وإتلم ولاتجرى ورا السرير ياعم ... وإعلمك لازمه. من البدايه
خد بت حلال لاتبيعك ب المال ولاتقولك
..أمك وأختك وأخوك ..أحسن الإختيار
.بنت الأصول تبنى الدار و تكبر شجرتك.
..مش اللى تقصها من جذرها..دى يأبنى
تغور . تغور..شيطان تخلى زرعتك تبور
ولا تنسى إنى حذرتك..الدنيا سلف ودين
وكما تدين تدان ....راعى ربك ودينك يابن الحلال.... أهل الزوج والله ما عقارب الأب هو إللى خايب ساب الحبل على الغارب..
فى ايد المدام..تعمل مابدالها ...تبص من
العين السحريه تدخل دى وتمنع ديا
..زرعه فرقه وكره.. حضرتك إنت وهو
. .. اه يا بنيه..اه يابنى
كل شويه بوست جديد ..عن العمام والعمات
اصل المصايب والفجوات
واهملك أمك ملايكه... ياخى ده.. ده
أهل الزوج بيدخلوا ضيوف ..ويمشوا
. ضيوف. لو مروا اصلا من
تفتيش العين السحريه
..بصى يابنتِ وإنت يابنى أصلك أصل أبوك
والدم اللى فعروقك بيجرى دمهم
وأهل امك مخول وعارك لايهمهم. بصى حواليك مين أكل شارب نايم ف خير أبوك
وإنتى تعرفى. العيب والخلل فى مين
وكلام كتير يبكى العين .
فحضرتك يامذكر...تذكر كلام ربك وإعدل
لأنك ستحاسب حساب الملكين
ربك قال فى كتابه كلكم راعٍ وكلكم مسؤول عن رعيته.
وإنت غير مسئول عن رعيه المدام حضرتك ..ده اصلا حرام أن اختها تبات ولا حتى تخلع طرحتها فى بيت سيادتك
فالح بس تعمل راجل على أختك ماتخرجيش ماتلبسي ماتتكلميش. بَلا نيله اتقى الواحد القهار. خليك قدوه وفخر
وسند ليها..مش ضل.. ياخساره زمن مقلوب
خلى الستات تركب وتدلدل رجليها
من فضلك إشرب بريل وإسترجل
وكرتونه من عندى هديه بس إسترجل ياعم
إسترجل
وإلى اللقاء مع حلقه أخرى من كلام من
القلب
بقلمى /سميه نور الدين محمد
7/6/2023
ليست هناك تعليقات:
إرسال تعليق